وەكیلێ‌ میرێ‌ ئێزدیان بۆ كارۆبارێن پەیوەندیان راگەهاند كو دیرۆكا ئێزدیان یا پرە ژ دەردەسەری وهەوێن قركرنێ‌ كو دەستەسەركرنا تاوانبارێن جینوسایدا شنگال نەخاسمە ژی یێن كۆمكۆژیا گوندێ‌ كۆچۆ .بجه ئێنانا دادپەروەریێ‌ دێ تا رادەیەكێ‌ برینێن ئێزدیان دەرمان كەت.

میر جەهوەر عەلی بەگ، وەكیلێ‌ میرێ‌ ئێزدیان بۆ كارۆبارێن پەیوەندیان راگەهاندكو: "دخوازین ئەڤرۆ رۆژا 6/2/2021ێ‌ دگەل ڤەشارتنا روفاتێن 104 قوربانیێن كارەساتا گوندێ‌ كۆچۆ حكومەتا عێراقی 104 تیرۆرستێن داعش سزابدەت داكو پچەكێ‌ برینێن ئێزدیان هاتبانە سڤكرن لێ‌ بەغدا ئەڤ چەند نەكریە وبرینا ئێزدیان ئەڤرۆ جارەكا دی‌ نوو بوونە ڤە. ئەو تیرۆرستێن داعش یێن كارەسات ب سەرێ‌ خەلكێ‌ مە یێ‌ بێ‌ گونەه ئینای،‌ پێدڤیە هەموو بهێنە دەستەسەركرن و سزادان”.

میر جەهوەر عەلی گۆت: "ڤەشارتنا روفاتێن ڤان قوربانیێن بێ‌ گونەه خەلكێ‌ كۆچۆ برینێن ئێزدیان ب گشتی و شنگالیان ب تایبەتی پتر كوور دكەت و دئێشینت بۆ دەرمانكرنا برینێن ئێزدیان پێدڤیە بەغدا تیرۆرستێن داعش سێدارە بدەت".











باسنیوز