ل دهۆكێ دەست ب ئەنجامدانا چەندین پرۆژەیێن خزمەتگوزاری هاتەكرن
هشیار فەریق گولی، سەرۆكێ فراكسیونا پارتی ل جڤاتا پارێزگەها دهۆكێ ئاشكەرا كركو: "حكومەتا هەرێما كوردستانێ هژمارەكا زۆر پرۆژەیێن خزمەتگوزاری ل دهۆكێ ئەنجام دەت نۆكە چەندین پرۆژە كەفتینە وارێ بجه ئێنانێ دا وهندەك پرۆژەیێن راستەوخۆ هاتنە بجه ئێنان ب دووماهی هاتنە وهندەك ژی بووینە تەندەر دێ نێزیك هێنە ئەنجامدان ژوانا ژی پرۆژەكێ ئەستراتیجی یێ ئاڤا ڤەخارنێ بۆ ناحیا باتیفا ئەڤە دێ ئاریشە ئاڤا ڤەخارنێ چارەسەركەت كو ل زاخۆ ژی ب كوژمێ 50 ملیار دیناران پرۆژە دهێنە ئەنجامدان ل سەنتەرێ دهۆكێ دا ژی دوو پرۆژەیێن ئەستراتیجی یێ ئوڤەر پاسا هاتینە بجه ئینان".
خۆیا كر: "كار ل سەر چێكرنا رێیا زاخۆ بۆ ئیبراهیم خەلیل یێ بەردەوامە هەروەسا ژی رێیا ئیبراهیم بۆ دیرەبوونێ ژی یا دهێتە چێكرن دگەل راكێشانا پرۆژەیێ ئاڤێ بۆ پیشابیری وچەندین پرۆژەیێن دێی یێن خزمەتگوزاری ل زاخۆ دهێنە دروستكرن".
گۆتژی: "ل قەزا ئامیدیێ ژی پتر ژ 80 ملیار دیناران پرۆژە دهێنە ئەنجامدانا ئەوژی چێكرنا جادەیان وئاڤاكرن ونوژەنكرنا قوتابخانەیان و پرۆژەیێن كارەبێ ونەخۆشخانەكا 100 تەختی یە ئەڤ نەخۆشخانا نۆكە یا دهێتە چێكرن كو ل ئاكرێ ژی ب كوژمێ 17 ملیار دیناران دێ چەند پرۆژە هێنە دروستكرن".
باسنیوز
