سه‌رچاوه‌یه‌كی ئه‌منی له‌ پارێزگای ره‌ققه‌ رایگه‌یاند، ئه‌مڕۆ سَشه‌ممه‌ له‌ئه‌نجامی ته‌قینه‌وه‌یه‌ك له‌ گرێ سپی سنوری ره‌ققه‌، كه‌ له‌ژێر كۆنترۆڵی هێزه‌كانی تروكیا و گروپه‌ چه‌كداره‌كانی سه‌ر به‌و وڵاته‌یه‌ سێ كه‌س كوژران و حه‌وت كه‌سی دیكه‌ برینداربون.

سه‌رچاوه‌یه‌كی ئه‌منی رایگه‌یاند، له‌ئه‌نجامی ته‌قینه‌وه‌یه‌ك له‌ مه‌یدانی شاره‌وانی ناوه‌ڕاستی گرێ سپی، ته‌قینه‌وه‌یه‌ك رویداوه‌، به‌وهۆیه‌وه‌ سێ كه‌س كوژران و حه‌وت كه‌سی دیكه‌ش برینداربون.

سه‌رجه‌م برینداره‌كان بۆ نه‌خۆشخانه‌ی گرێ سپی گواستراونه‌ته‌وه‌

سه‌رچاوه‌كه‌ راشیگه‌یاند، لێكۆڵینه‌وه‌ی هێزه‌ ئه‌منیه‌كان گه‌یشتونه‌ته‌ شوێنی روداوه‌كه‌ و لێكۆڵینه‌وه‌یان ده‌ستپێكردوه‌، سه‌رجه‌م برینداره‌كانیش بۆ نه‌خۆشخانه‌ی گرێ سپی گواستراونه‌ته‌وه‌.

گرێ سپی له‌ژێر كۆنترۆڵی هێزه‌كانی توركیا و گروپه‌ چه‌كداره‌كانی ئه‌و وڵاته‌یه‌‌، 7ی ئه‌م مانگه‌ش عیسا ناسڕ فه‌رمانده‌ی فه‌یله‌قی یه‌كه‌می ئۆپۆزسیۆنی سوپای نیشتمانی سوریا له‌ ماڵه‌كه‌ی خۆی له‌ ناوچه‌ی گرێ سپی له‌لایه‌ن چه‌ند كه‌سێكی نه‌ناسراوه‌وه‌ كوژرا.







خه‌ندان