له‌ كەركووك لە لایەن ئەفسەرێكی كۆمپانیای نەوتی باكوورەوە، هێرش كرایە سەر دوو رۆژنامەنووسی كورد.

ئه‌مڕۆ چوارشه‌ممه‌ 21/1/2021، ئەفسەرێكی كۆمپانیای نەوتی باكوور هێرشی كرده‌ سه‌ر دوو رۆژنامه‌نووسی كورد، هەژار رەشید، رۆژنامەنووسی كورد له‌ كەركووك، رایگەیاند: "ئەمڕۆ هێرش كرایە سەر كاروان ساڵح، پەیامنێری كەركووك ناو و ئۆژین جۆلا، پەیامنیری ئاژانسی ئەنادۆڵ".

رۆژنامه‌نووس كاروان ساڵح، هەواڵەكەی بۆ (باسنیوز) پشتڕاست كردەوە و رای گەیاند: "جگه‌ له‌ په‌لاماردان، سووكایه‌تیمان پێ كرا، لە كاتێكدا ئێمە بۆ ڕووماڵی خۆپیشاندان له‌وێ ئاماده‌ بووین و كەلوپەلی رۆژنامەنووسیشمان پێ بووە".

عەمید محەممەد تاهیر، بەرێوەبەری كۆمپانیای نەوتی باكوور، رایگەیاند، كه‌ له‌و بابه‌ته‌ ئاگادار نییه‌ و بەدواداچوون بۆ ئەو گرفتە دەكات.













باسنیوز