قایمقامی قەزای چەمچەماڵ ئەمڕۆ دووشەممە ئاشكرای كرد بە فەرمانی ئەنجومەنی وەزیرانی هەرێمی كوردستان لیژنەیەک بۆ چارەسەری كێشەی ئاوی خواردنەوەی چەمچەماڵ پێک هێندراوە و لیژنەكەش بڕیارە لەڕێگەی لایەنە پێوەندیدارەکانەوە كێشەی ئاوی ناوچەكە چارەسەر بكات.

رەمەك رەمەزان، قایمقامی قەزای چەمچەماڵ، راگەیاند: "دوای ئەوەی مانگی 7ی پار بەمەبەستی چارەسەركردنی كێشەی ئاوی خواردنەوەی چەمچەماڵ نووسراوێكمان بە ژمارە 2287 ئاراستەی سەرۆكایەتییەكانی هەرێم و پەرلەمان و حكوومەتی هەرێمی کوردستان و سەرجەم وەزارەتە پێوەندیدارەكان كرد، بە فەرمانی ئەنجوومەنی وەزیرانی هەرێمی کوردستان لیژنەیەك بۆ ئەو مەبەستە لە نوێنەرانی وەزارەتی شارەوانی و سەرۆكایەتیی ئەنجومەنی وەزیران پێكهات."

گوتیشی: "لیژنەكە دوینێ یەكشەممە 17ی1ی2021 بە هاوڕێیەتی بەڕێوەبەری ئاوی دەوروبەری سلێمانی بەمەبەستی گوێگرتن لە ئیدارەی قەزا و بەدواداچوونی كێشەكە سەردانی قائیمقامیەتی چەمچەماڵیان كرد و ئێمەش كێشەكانی تایبەت بە ئاوی ناوچەكەمان خستە ڕوو."

قایمقامی چەمچەماڵ ڕاشی گەیاند: "لیژنەكە تەواوی پێشنیازەكانی ئیدارە و فەرمانگەكانی ئاویان وەرگرت و بڕیارە لەڕێگەی ئەنجوومەنی وەزیرانی هەرێمی کوردستانەوە كار بۆ چارەسەركردنی كێشەكە بكەن"





باسنيوز