ل پارێزگه‌ها دهۆكێ گۆمان هه‌یه‌ كه‌سه‌ك هه‌لگرێ ڤایرۆسێ كۆڤید 20 بیت كۆ ژ وه‌لاتێ به‌رتیانیا هاتیه‌ ناڤا هه‌رێما كوردستان و پارێزگه‌ها دهۆكێ دا.

د.هه‌كار مسته‌فا سه‌رۆكێ نۆژدارێن نه‌خۆشخانێن كۆرۆنایێ ل دهۆكێ دیاركر: "ل رۆژێن بۆرى دا كه‌سه‌ك ژ ره‌گه‌زێ نێر ژ وه‌لاتێ بریتانیا قه‌ستا هه‌رێما كوردستانێ كریه‌ كۆ خه‌لكێ پارێزگه‌ها دهۆكێ یه‌ و گۆمان ل سه‌ر هه‌یه‌ كۆ هه‌لگرێ په‌تایا كۆرونایێ یا نوى كۆ به‌رنیاس ب كۆڤید 20 بیت".

سه‌رۆكێ نۆژدارێن نه‌خۆشخانێن كۆرۆنایێ ل دهۆكێ گۆت ژی: "ئه‌و كه‌سه‌ خه‌لكێ دهۆكێ یه‌ و هه‌مى ئه‌و نیشان ل نك دیار بوونه‌ كۆ ئه‌و نیشانێن تایبه‌ت بن ب په‌تایا كۆرونایێ یا نوى كۆڤید 20 ڤه‌".

دۆپاتژى كر: "ژ به‌ر كۆ مه‌ ئامیرێ ئه‌نجامدانا پشكنینا كۆرونایا نوى نینه‌ له‌ورا پشكنینا وى بۆ هه‌ولێرێ هاتیه‌ ره‌وانه‌كرن تا كۆ ده‌رئه‌نجامێ پشكنینێ ده‌ربكه‌ڤیت ئه‌م چاڤه‌رێ دكه‌ین لێ گه‌له‌ك نیشان لنك هه‌نه‌ كۆ ئه‌و نیشانه‌ تایبه‌تن ب په‌تایا كۆرونایا نوى ڤه‌ و هیڤیخوازین دویر بیت ژ ڤێ په‌تایێ و نها دا ئه‌و كه‌سه‌ یێ كه‌ره‌نتیكرى یه‌ و چاڤه‌رێ دكه‌ین ل ده‌مێن بهێت ئه‌نجامێ پشكنینا بهێت دیاركرن".













باسنیوز