پشتى كۆ ل شه‌ڤا 4سه‌ر5ی2021، ل گۆندێ ده‌رگه‌لا میسا به‌گ ل سنۆرێ ناحیا کانی ماسێ سەر ب قەزا ئامێدیێ ڤە كه‌سه‌كێ د ژیێ 68 سالیێ دا ل ناڤا مالا خۆ دا هاتیه‌ كۆشتن، پۆلیسێن دهۆكێ شیان دوو كه‌سان ده‌سته‌سه‌ر بكه‌ن كۆ ب بكۆژێن وى كه‌سى هاتنه‌ دیاركرن.

مقه‌دم هێمن سلێمان، په‌یڤدارێ رێڤه‌به‌ریا پۆلیسێن پارێزگه‌ها دهۆكێ دیاركر: "ل شه‌ڤا 4سه‌ر5/1/2021 ل گۆندێ ده‌رگه‌لا میسا به‌گ ل سنۆرێ ناحیا کانی ماسێ سەر ب قەزا ئامێدیێ ڤە،كه‌سه‌كێ د ژیێ 68 سالیێ دا ب ناڤێ (نزار سەلمان) ل ناڤا مالا خۆ دا هاتیه‌ كۆشتن، پۆلیسێن دهۆكێ هه‌ر زوى ده‌ست ب ڤه‌كۆلینا رۆیدانێ كربو و رێڤه‌به‌رێ پۆلیسان داكۆكیه‌كا مه‌زن ل سه‌ر وێ چه‌ندێ كربو كۆ دڤێت زوترین ده‌م دا تۆمه‌تبار بهێن دیاركرن و ده‌سته‌سه‌ر كرن و دلخۆشى ڤه‌ ب هه‌ولێن به‌رده‌وام یێن تیمێن مه‌ ئه‌م شیانه‌ دوو كه‌سان ده‌ستنیشان بكه‌ین و ده‌سته‌سه‌ر بكه‌ین كۆ هه‌ردوو كه‌سه‌ بكۆژێن وى كه‌سى نه‌ و هه‌ر ل 2 رۆژان پشتى رۆیدانێ پۆلیسان بكۆژ ده‌ستنیشانكربون لێ تا كۆ تازیا وى كه‌سى دوماهى هاتى ژ نوى مه‌ دیارکرنا تۆمه‌تبارا راگه‌هاند".

په‌یڤدارێ رێڤه‌به‌ریا پۆلیسێن پارێزگه‌ها دهۆكێ دیار ژى كر: "هه‌ردوو كه‌سێن ئه‌و كه‌سه‌ كۆشتى ئێك زاڤایێ وى و ھەڤژینا وى بوون و ب مه‌ره‌ما بده‌ستڤه‌هاتنا داهاته‌كێ ئه‌و رۆیدانه‌ دروست كریه‌ و هه‌ردوو كه‌سه‌ نها دا ده‌سته‌سه‌ر كرینه‌ و بۆ دادگه‌هێ دێ هێنه‌ ره‌وانه‌كرن تا كۆ ب توندترین سزا بهێن سزادان و بگه‌هنه‌ سزایێ خۆ یێ ره‌وا".














باسنیوز