رێڤەبەرێ‌ ئوفیسا دهۆك یا كۆمیسۆنا بالا یا سەربەخۆیا هەلبژارتنان ل عێراقی دیار كر كو ل دهۆكێ‌ 41 بنگەه هاتینە ڤەكرن بۆ نووكرنا تومارا بایومەتری بۆ ئاواران ژی سوبەهێ‌ 3/1/2021ێ‌ وێڤە دێ‌ دەست ب ڤەكرنا 12 بنگەهان هێتە كرن بۆ تومارا بایومەتری یا ئاواران و تێمین گەرۆك ژی دێ‌ هەبن.

ئەڤرۆ 2/1/2021ێ‌ خالد عەباس، رێڤەبەرێ‌ ئوفیسا دهۆك یا كۆمیسۆنا بالا یا سەربەخۆیا هەلبژارتنان ل عێراقی دپرێس كونفرانسەكێ‌ رۆژنامەڤانیدا راگەهاند كو ل سنۆری پارێزگەها دهۆكێ‌ پرۆسیا نوكرنا تۆمارا دەنگدەران بۆ وان كەسێن هەتا نۆكە خۆ تومارنەكرین دەستپێكریە ل دهۆكێ‌ 41 بنگەه هاتینە ڤەكرن تێدا دەست ب نووكرنا پرۆسیەیا تومارا بایومەتری هێتە كرن ئەڤ پرۆسیەیا هەر چار سالە جارەكێ‌ دهێتە ئەنجامدان هەموو ژ دایكبوویێن سالە 2001ی و 2002ی و 2003ێ‌ پێدڤیە قەستا بنگەهان بكەن بۆ تۆماركرنا ناڤیێن خۆ داكو بشێن دەنگدانێ‌ بەشداربن و دەنگێن خۆ بدەن".

خالد عەباس گۆت: "هەكە وەلاتیی خۆ تومارنەكەن ماف نابیت هەلبژارتنان دا پیشكداربن لەورا داخوازی دكەین هەموو خۆ تومار بكەن هەروەسا ژی راستڤەكرنا ناڤی و گوهۆرینا بنگەهیێن دەنگدانێ‌ و ژێ‌ برنا ناڤیێن وان كەسێن ژیانێ‌ دا نەماین دڤێ‌ پرۆسیەیێ‌ دا دهێتە ئەنجامدان".

ل دهۆكێ‌ پتر ژ 881هزار دەنگدەران ماف هەیە پێشكداریێ‌ دهەلبژارتنێن بهێت یێن عێراقێدا بكەن.










باسنيوز