دوای ئەوەی كەسوكاری گەنجە كوژراوەكەی خۆپیشاندانەكانی ئەم دواییەی شاری كفری سكاڵایان لەسەر لیوا عوسمان حەسەن بكوژی كوڕەكەیان تۆمار كرد، كە فەرماندەیەكی سەر بە لاهوور جەنگییە و دادگا بڕیاری دەستگیركردنی داوە، بكوژەكە هێشتا دەستگیر نەكراوە.

لەسەر سکاڵای کەسوکاری گەنجە کوژراوەکەی کفری، دادگای كفری فەرمانی دەستگیرکردنی بۆ لیوا عوسمان حەسەن فەرماندەی لیوای 136ی سەر بە هێزەکانی 70 دەرکردووە، بەڵام تا ئێستا دەستگیر نەکراوە.

بكوژەكە و چەكدارەكانی بە فەرمانی لاهور جەنگی لەبەردەم كۆمیتەی یەكێتی تەقەیان کرد و گەنجێکیان شەهید کرد، بەڵام بەهۆی ئەوەی لەم سنوورە دادگا و یاسا هیچ توانایەکیان نییە، بكوژەكە تا ئێستا دەستگیر نەكراوە.

گەنجە كوژراوەكەی كفری ناوی شڤان محەمەد شوكر بووە و باوكی بە میدیاكانی راگەیاندووە كە لیوا عوسمان بە ئاشكرا بە بازگەكاندا هاتوچۆ دەكات، بەبێ ئەوەی دەستگیر بكرێت.











باسنيوز