باره‌گای بارزانی پەیامێکی سەرەخۆشی بۆ كۆچی دوایی (مامۆستا شێرزاد مه‌لا محه‌مه‌د ئه‌مین) كه‌سایه‌تی دیاری رۆژبه‌یانی و شاری كه‌ركووك، بڵاوکردەوە.

دەقی پەیامەکە:

به‌ناوی خودای به‌خشنده‌ میهره‌بان

به‌ڕێزان، خانه‌واده‌ی مامۆستا شێرزاد مه‌لا محه‌مه‌د ئه‌مین، به‌دڵگرانیه‌كی زۆره‌وه‌ هه‌واڵی كۆچی دوایی كه‌سایه‌تی دیاری رۆژبه‌یانی و شاری كه‌ركووك (مامۆستا شێرزاد مه‌لا محه‌مه‌د ئه‌مین) برازای مێژووی نووسی گه‌لی كورد خوالێخۆشبوو (مه‌لا جه‌میل رۆژه‌بانی)مان، بیست.

پرسه‌ و سه‌ره‌خۆشی ئاراسته‌ی خانه‌واده‌ به‌ڕێز و كوردپه‌روره‌كه‌تان و ته‌واوی دۆست و خزمانی رۆژبه‌یانی و شاری كه‌ركووك ده‌كه‌ین، خۆمان به‌هاوبه‌شی خه‌می هه‌موو لایه‌ك ده‌زانین.

له‌ خودای دلۆڤان داواكارین گیانی خوالێخۆشبوو(مامۆستا شێرزاد مه‌لا محه‌مه‌د ئه‌مین) به‌ر ره‌حمه‌تی خۆی بخات و به‌ به‌هه‌شتی به‌رینی شاد بكات، سه‌بوری و ئارامی به‌ خانه‌واده‌ پایه‌داره‌كه‌تان و ته‌واوی كه‌سوكارتان ببه‌خشێت.

انا للە و انا الیە راجعون

باره‌گای بارزانی
23ـی12ـی2020












باسنيوز