ئەڤرو رۆژا سێشەمبی پارێزگارێ دھۆکێ داخویانیەکا تایبەت دا لدور داگیرکرنا ھژمارەکا زور یا گۆندان ل پارێزگەھا دھۆکێ ژلایێ پارتا کرێکارێن کۆردستانێ (پەکەکێ) و کاریگەریا وێ لسەر کەرتێ گشتۆکالێ ب رێکا باسنیوز ئەو کاریگەریە رون و بەحس کر.

د.عەلی تەتەر پارێزگارێ دھۆکێ گۆت: "زێدەتر ژ 20 سالایە شەرێ بەردەوامێ ناڤبەرا تورکیا و پەکەکێ،ل سەر ئاخا ھەرێما کۆردستانێ دھێتە ئەنجامدان و ئەڤ چەندە بویە ئەگەر زور زیان پەیدا بن نەخاسمە زیانێن کەرتێ گەشت و گۆزارێ".

گۆتژی: "ژ ئەگەرێ ھەبونا بنگەھێن پەکەکێ ئەم نەشیانە مفای ژ گەلەک جھێن گەشتیاری وەربگرین و ھند جھێن گەشتیاری مە ھەنە جھێن زور جوانن ل سەر ئاستێ ھەرێما کوردستان و عیراقێ و رۆژھەلاتا ناڤەراست مینا رویبارێ رویێ شین ل گەلیێ بالندا ل ناحیا شێلادزێ و ھند جھێن دیتر ل دێرالوکێ و زاخو و پتریا دەڤەرێن پارێزگەھا دھۆکێ ژ ئەگەرێ ھەبونا شەرێ پەکەکێ و تۆرکیا مفا ژ جھێن گەشتیاری ناھێتە وەرگرتن و دخازین پەکەکە شەرێ خو دگەل تۆرکیا ژ ئاخا ھەرێما کۆردستانێ ب فەگۆھێزیتە جھێ خو یێ رەسەن و دروستاھی".













باسنیوز