به‌رێوه‌به‌ری ئاسایشی كه‌ركووك باس له‌ مه‌ترسیی ڕەوشی ئەمنیی شاره‌كه‌ ده‌كات و دووپاتی دەكاتەوە، ئه‌وانه‌ی نوێنه‌رایه‌تی كورد ده‌كه‌ن له‌ شاره‌كه‌ "دڵسۆز نین".

ئەمڕۆ دووشەممە 19/10/2020 عه‌مید ئیدریس ره‌فعه‌ت، به‌رێوه‌به‌ری ئاسایشی كه‌ركووك گوتی: "داعش به‌به‌هێزی له‌قه‌زا و ناحیه‌كان و ناوشاری كه‌ركووك و خوارووی شاره‌كه‌ خۆیان رێك خستووه‌ته‌وه،‌ تا ده‌زگا ئه‌منییه‌كانی ئه‌و شاره‌ ئاوا لاواز بن، بەو جۆرە دەبێ".

ئه‌وه‌شی خسته‌روو: به‌داخه‌وه‌ هه‌ندێك به‌ناوی نوێنه‌رایه‌تیی كورده‌وه‌ له‌و شاره‌ خه‌ریكی پاره‌ په‌یداكردنن و ئاگایان له‌ خه‌ڵك نه‌ماوه‌.

راشی گه‌یاند: دوو رۆژه‌ ماڵه‌ عه‌ره‌به‌كان دێن دەستدرێژیی دەكەنە سەر موڵك و ماڵه‌ كورده‌كانی سه‌رگه‌ڕان و راكان جبووری به‌ بیری شۆڤێنییانه‌ كار ده‌كات، "ئه‌مه‌ش ته‌عریبێكی دیكه‌یه‌ پارێزگاری سەپێندراو ده‌یكات و دۆخه‌كه‌ پێشبینیی باشی بۆ ناكرێت."










باسنیوز