شێخەكێ‌ ئێزدیان ل قەزا شنگال دیار كر كو خەلكێ‌ شنگال ژمێژەیە چاڤەرێ ئاساییكرنا رەوشا شنگال دكەن و ئەڤە داخوازیا خەلكێ‌ مەیە. یا ژ هەموو گرنگتر بۆ خەلكێ مە زڤرینا پێشمەرگەهی بۆ ناڤ سەنتەرێ شنگالدا.

شێخ مجدل شێخ ئەمین، ئێك ژ شێخێن ئێزدیان ل شنگال دیار كر كو ئەڤە شەش سالن خەلكێ‌ شنگال ژبەر رەفتارێن پەكەكێ‌ و گرۆپێن ب سەر ڤە نەشیاینە ڤەگەرنە سەر مال و حالێ خۆ. ئەڤە شەش سالن خەلكێ‌ مە نەشێت ل شنگال رێ ورەسمێن خۆ یێن ئاینی‌ ئەنجام بدەن. هەتا رێكخراوان ژی نەدشیا بهێن خزمەتا خەلكێ مە بكەن. ئەڤ رێكەڤتنا هەولێر و بەغدا بۆ پاراستنا ئێزدیان یا هاتیە كرن دێ‌ تەناهیێ دروست كو هندەك كەس ولایەن هەنە بەرژوەندیێن وان تێك دچن لەورا دبێژن ئەم نەدرازینە لێ‌ ئەو كەس و لایەن نوونەراتیا خەلكێ‌ شنگال ناكەن".

ئاشكەرا كر كو: "هەر دەمێ‌ گرۆپێن چەكدار ژ ناڤ شنگال دەركەڤتن دێ‌ خەلكێ‌ شنگال تەنا بیت وناترس چونكو راستی ژی گرۆپێن چەكدار خەلكێ‌ دترسینن. خەلكێ‌ مە ل هیڤیا بجه ئێنانا ریكەڤتنێ‌ نە داكو ئێدی خەلكێ‌ شنگال ل ژێر هەرەشە و ترسێ دا نەژیت و ئاڤەدانی و تەناهی ل شنگال دروست ببیت".











باسنيوز