بەرێوەبەرایەتی پۆلیسی پارێزگای هەولێر دوو کەسی بەبڕی دۆلاری ساختەوە دەستگیر کرد کە بەنیازبوون لە بازاڕ ساغی بکەنەوە.

بەپێی راگەیاندراوێکی پۆلیسی کە تێیدا هاتووە: "بەشی پۆلیسی ڕێککاری، دوو كەسیان بە ناوەکانی (م.ی.ع) و (ح.ی.ع) دەستگیر کرد، کە بڕی 3500 دۆلاری ئەمەریکییان ساختە کردبوو و دەیانویست لە بازاڕ بە شێوەی 50 دۆلاری ساغی بکەنەوە".

ئەوەش خراوەتە روو، کە تۆمەتباران دانیان نا بە تاوانەکەیاندا و بەپێی ماددەی 281 لە یاسای سزادان، ڕاگیران و ڕووبەڕووی یاسا کرانەوە.














باسنیوز