بەبۆنەی کۆچی دوایی شێخ سالاری حەفید، نێچیرڤان بارزانی، سەرۆکی هەرێمی کوردستان پرسەنامەیەکی ئاراستەی ئەو بنەماڵەیە دەکات.

شێخ سالار حەفید، باوکی ئامۆزای شێخ مەحموودی حەفیدە و ساڵی 1948 لەدایکبووە. سەرپەرشتیاری مزگەوتی گەورەی شاری سلێمانی، مەزارگەی شێخ مەحموود و کاک ئەحمەدی شێخ بووە. بەهۆی نەخۆشییەوە ئەمڕۆ لە تورکیا کۆچی دواییکرد و بڕیارە تەرمەکەی بگەڕێندرێتەوە هەرێمی کوردستان.

دەقی پرسەنامەی سەرۆکی هەرێمی کوردستان:

پرسه‌نامه‌یه‌ک له‌ سه‌رۆکی هه‌رێمی کوردستانه‌وه‌

بەداخەوە هەواڵی کۆچی دواییی کەسایەتیی دیار و ناسراوی بنەماڵەی شێخ مەحموودی نەمر و سلێمانی، خولێخۆشبوو شێخ سالاری حەفیدمان پێگەیشت.

پرسە و سەرەخۆشی ئاراستەی بنەماڵەی بەڕێزی حەفید زادە دەکەین و هاوبەشی خەمیانین، لە خوای مەزن داواکارین خوالێخۆشبوو بە به‌زه‌یی و میهره‌بانیی خۆی شاد بکات و سەبووری و ئارامی بە کەسوکار و خزمان و بنەماڵە بەڕێزەکەی ببەخشێت.

نێچیرڤان بارزانی
سەرۆکی هەرێمی کوردستان
٢٠٢٠/١٠/٧
rudaw -