دوای ئەوەی لە تۆڕە كۆمەڵایەتییەكانەوە داوا كرا هاوكاریی كوڕە پێشمەرگەیەكی شەهید بكرێ، كە چەند رۆژێكە تووشی نەخۆشی بووە، پارێزگاری دهۆك روونی دەكاتەوە كە هەر لە سەرەتاوە هاوكاریی تەواوی پزیشكییان پێشكەشی ئەو كوڕە شەهیدە كردووە و تێچووی چارەسەرییەكەیان لە ئەستۆ گرتووتە .

ئەمڕۆ پێنجشەممە 1/10/2020، لە ڕوونكردنەوەیەكدا، پارێزگاری دهۆك، ئاشكرای كرد كە هەر لە سەرەتای نەخۆشكەوتنی عەبدولڕەحیم كوڕی شەهید خالید بێزهی، لە نەخۆشخانەی تایبەت خەوێنراوە و نەشتەرگەریی بۆ كراوە، "پەیوەندیم بە خێزانی شەهید و بەڕێوەبەری تەندروستیی دهۆكەوە كردووە و هەموو تێچووی چارەسەری ئەو كورە شەهیدەمان لە ئەستۆی خۆمان گرتووە".

پارێزگاری دهۆك، دووپاتیشی كردووەتەوە، كە ئەو كارە بە ئەركی خۆیان دەزانن و مافی ماڵباتی شەهیدانە خزمەتیان بكرێ.












باسنيوز