رۆژانه‌ سه‌دان حاله‌تێن تووشبۆنا په‌تایا كۆرۆنایێ ل پارێزگه‌ها دهۆكێ دهێن راگه‌هاندن و رۆژ بۆ رۆژ ره‌وش به‌ره‌ڤ خرابى و زێده‌بوونا حاله‌تان ڤه‌ دچیت.

حه‌مزه‌ ره‌زیكى، په‌یڤدارێ رێڤه‌به‌ریا گشتى یا ساخله‌میا پارێزگه‌ها دهۆكێ دیاركر: "دلگرانى ڤه‌ رۆژانه‌ سه‌دان حاله‌تێن تووشبۆنا په‌تایا كۆرۆنایێ ل پارێزگه‌ها دهۆكێ دهێنه‌ راگه‌هاندن و رۆژ بۆ رۆژێ ره‌وش به‌ره‌ڤ زێده‌بوونا حاله‌تان ڤه‌ د چیت و گۆت ژى: "ئه‌م پێشبینى دكه‌ین ره‌وش بگه‌هیت ئاسته‌كێ مه‌ترسیدار".

په‌یڤدارێ رێڤه‌به‌ریا گشتى یا ساخله‌میا پارێزگه‌ها دهۆكێ ئه‌و چه‌نده‌ ژى دۆپاتكر: "ل پارێزگه‌ها دهۆكێ چه‌ند ئه‌گه‌ره‌ك هه‌نه‌ كۆ رۆژانه‌ حاله‌تێن په‌تایا كۆرۆنایێ زێده‌تر دبن كۆ ژ وان ژى، ڤه‌بوونا ده‌رگه‌هێن سنورى و هاتنا رێژه‌یه‌كا زۆر ژ خه‌لكێ پارێزگه‌هێن ناڤه‌راست و ژێریا عیراقێ بۆ پارێزگه‌ها دهۆكێ. ئه‌ڤجا ب چ مه‌ره‌م بیت گه‌شتیارى بیت یان هه‌ر مه‌ره‌ما دیتر، كۆ ئه‌ڤه‌ بوویه‌ ئه‌گه‌ر كۆرۆنا زێده‌تر دبیت و دیسان ڤه‌كرنا كافێ و جهێن كۆمبوونا خه‌لكى و بكار ئینانا نه‌رگیلێ، ئه‌ڤێ خالێ ژى كارتێكرنه‌كا زۆر هه‌یه‌ ل سه‌ر زێده‌بوونا حاله‌تێن په‌تایا كۆرۆنایێ".

دۆپاتى ل وێ چه‌ندێ ژى كر: "تا نۆكه‌ ل پارێزگه‌ها دهۆكێ 12 ھەزار و 286 كه‌س تووشى په‌تایا كۆرۆنایێ بوونه‌ و 4 هزار و 812 كه‌س چاره‌سه‌ر بوونه و‌ قه‌ستا مالێن خۆ كرینه‌ پشتى كۆ چاره‌سه‌رى نك مه‌ وه‌رگرتین و 7 هزار و 216 كه‌س ژى ب نه‌خۆشخانێن كۆرۆنایێ چاره‌سه‌ریێ وه‌ردگرن و زێده‌بارى كۆ 258 كه‌سان ب ئه‌ڤێ په‌تایێ گیانێ خۆ ژ ده‌ستدایه‌. دخازین پتر خه‌لك پێگیر بیت ب رێمایێن خۆ پاراستنێ چونكه‌ ب ڤى ره‌نگى و ب ڤێ ره‌وشا خراب ئه‌گه‌ر پێگیرى نه‌بیت دێ گه‌له‌ك ژ خۆشتڤیێن خۆ ژ ده‌ست ده‌ین".












باسنیوز