لە کۆبوونەوەی تایبەت بە حەفتاوپێنجەمین ساڵیادی دامەزراندنی ڕێكخراوی نەتەوە یەکگرتووەکاندا كە دوێنێ دووشەممە ٢١ی ٩ی ٢٠٢٠ بەڕێوەچوو و بەشێکی سەرۆکی وڵاتان بە راستەوخۆ و بەشێکی دیکەشیان لە ڕێگەی ئۆنلاینەوە بەشدارییان كرد، تۆمارێكی ڤیدیۆیی نیشان درا كە تێیدا سەرۆک بارزانی وەکو سیمبولێكی ئاشتی دەردەكەوێت.

لەمبارەوە، د.کرمانج عوسمان، مامۆستای زانكۆ و شارەزای سیاسەتی نێودەوڵەتی، ڕایگەیاند، نیشاندانی سەرۆک بارزانی لە دەستپێکی کۆبوونەوەی ساڵانەی نەتەوە یەکگرتووەکان کە لەگەڵ (سيرجيۆ دى ميلۆ) نوێنەری نەتەوە یەكگرتووەكان لە عێراق بۆ چارەسەری ململانێکانی نێوان هەولێر و بەغدا، نیشاندانیەتی وەك سیمبولێك بۆ ئاشتی، ئەوکات پڕۆژەیان هەبووە بۆ چارەسەری کێشەکان، ئەوە بۆ گەلی کوردستان جێگەی شانازییە”.

مامۆستاكەی زانكۆ پێیوایە كە ئەم رێزگرتنە لە گەلی کوردستان و سەرۆك بارزانی، نیشانەی بەهێزیی پێگەی هەرێمی کوردستانە کە ئەگەر دەوڵەوتیش نەبێت، بەڵام قەوارەیەکی بەهێزی سیاسییە کە دەرگای بە ڕووی ملیۆنان ئاوارەدا كردۆتەوە و سەرۆك بارزانیش وەکو سیمبولێك نیشاندراوە کە پشتیوانی لە ئاشتیی جیهانی دەکات و پاڵپشتی بۆ خەڵکی لێقەوماو کردووە“.











باسنیوز