بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ دیارکر کو، رۆژانە حالەتێن کۆرۆنایێ ل ناڤ باژێری یێن زێدە دبن.

حەمزە رەزیکی، بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ راگەهاند، ھەتا ئەڤرۆ شەمبی 1-8-2020ێ ل دھۆکێ، 532 تووشبوویێن کۆرۆنایێ ھاتینە تۆمارکرن.

حەمزە رەزیکی هەروسا راگەیاند، ژوان تووشبووێن کۆرۆنایێ لە دهوکی، ھەتا نوکە 357 تووشبوو ھاتینە چارەسەرکرن و نوکە ب تنێ 175 تووشبوو دناڤ نەخۆشخانێدا ماینە.

بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ دانە زانین ژی، رۆژانە حالەت یێن پەیدا دبن لەورا ژی پێدڤیا وەلاتی پێگیریەکا تەمام ب رێنمایان بکەن و دەمێ ژ مال دەرکەڤن خۆ بپارێزن وماسک بکاربینن.

حەمزە رەزیکی داخاز ژ وەڵاتیان ژی کر، کو د جەژنێدا نەچنە دەستێن ئێکدو بلا جەژن نەبیتە جەژنا بەلاڤبوونا ڤایرۆسێ کۆرۆنایێ و پێدڤیە پتر ھەڤکاربن و قەستا جھێن قەرەبالغ نەکەن.

ب گوتنێ رەزیکی، ئەڤ تووشبوویێن دھێنە دەستنێشانکرن ھندەک ژوان نیشان ھەنە قەستا دام و دەزگەھێن ساخلەمیێ دکەن و ھندەک ژ پارێزگەھیێن دێ یێن عێراقی زڤرنە دھۆکێ و ھندەک ژی تووشبوویێن بەرکەفتیێن کۆرۆنایێ نە.










باسنیوز