به‌رپرسێ راگه‌هاندنا پۆلیسێن پارێزگه‌ها دهۆكێ راگەھاند كو كه‌سه‌ك ژبه‌ر خراب بكارئینانا ئامێرێن په‌یوه‌ندیكرنێ و ئینتەرنەتێ هاته‌ ده‌سته‌سه‌ركرن".

هێمن سلێمان، به‌رپرسێ راگه‌هاندنا پۆلیسێن پارێزگه‌ها دهۆك دیاركر: "سه‌را خراب بكارئینانا ئامێرێن په‌یوه‌ندیكرنێ دووڤ مادێ دویێ ئه‌ڤ تۆمه‌تبار وێنه‌یێن كچان به‌لاڤكرن وتشت لسه‌ر نڤیسین بۆ زێده‌كرنا لایك و كۆمێنتان هاتیه‌ ده‌سته‌سه‌ركرن و گۆت: "گه‌نجه‌كێ په‌یجه‌كێ مه‌زن ل تۆرا ئه‌نستیگرامێ دروستكریه‌ وێنه‌یێن هژماره‌كا كچان تێدا به‌لاڤ دكرن و گۆتنێن بێ بنه‌ما لسه‌ر وان به‌لاڤكرن وپشتى پۆلیسێن نه‌هێلانا گونه‌هباریان دوڤچوون لسه‌ر ڤێ كه‌سی كرى مه‌فه‌ره‌زێن وان شیان تاوانبارى ده‌سته‌سه‌ربكه‌ن. د ڤه‌كۆلینێ دا دان پێدانێ ب تاوانێن خوه‌ دكه‌ت".

تۆمه‌تبار د دانپێدانا خوه‌ دا دبێژت: "ل ده‌ستپێكێ من په‌یجه‌ك دروستكر من ڤیا بهێز بیت ولایكێن وێ زێده‌بن، من چه‌ند وێنه‌ وڤیدیو به‌لاڤكرن لێ تشته‌كێ وه‌سا بۆ نه‌دهات له‌ورا ئه‌ز رابووم وێنه‌یێن هنده‌ك كچان من ئینانه‌ خار ومن تشت لسه‌ر وێنه‌یێن وان نڤیسین وبه‌لاڤكرن وتشتێن خه‌له‌ت لسه‌ر وێنه‌یان به‌لاڤكرن وژلایێ پۆلیسێن نه‌هێلانا گونه‌هباریان ل نزاركێ پارێزگه‌ها دهۆكێ هاتمه‌ ده‌سته‌سه‌ركرن".

هێمن سلیمان ئه‌وژى دیاركر كو ئه‌ڤرۆ 13/1/2020 دانپێدانا تۆمه‌تبار هاته‌ به‌لاڤكرن، د دانپێدانا وی دا دیاردبیت به‌لاڤكرنا وێنه‌یێن كچان بۆ زێده‌كرنا لایك و كۆمێنتان بوویه‌.











باسنيوز