کەسێک لە باڵەخانەیەکی هەولێر خۆی دەسووتێنێت و خۆی فڕێدەداتەخوارەوە
پۆلیسی هەولێر هەواڵەکەی بۆ رووداو پشتڕاستکردەوە و رایگەیاند: کەسەکە لەسەر باڵەخانەیەک خۆی سووتاندووە و خۆی فڕێداوەتە خوارەوە، بەڵام تاوەکو ئێستا نازانین کێیە و بۆچی خۆی فڕێداوەتە خوارەوە.
مازن هاشم، شایەتحاڵێکی نزیک لە رووداوەکە بە تۆڕی میدیایی رووداوی راگەیاند: "ئەو گەنجە لەسەر باڵەخانەیەکی هەشت نهۆمی تەواونەکراو خۆی سووتاند و دواتر خۆی فڕێدایە خوارەوە و گیانی لەدەستداوە".
بەگوتەی ئەو شایەتحاڵە ''ئەوەی گیانی لەدەستداوە کەوتووەتە نێو ماڵێک لە تەنیشت باڵەخانەکە، بەڵام جگە لە چەند کلیلێک هیچ شتێکی دیکەی پێنەبووە".
پۆلیس تەرمەکەی رەوانەی پزیشکی دادی کردووە و لێکۆڵینەوەی لە رووداوەکە دەستپێکردووە.
رووداو
