د سێیه‌م رۆژا جه‌ژنا قوربانا، ل سنورێ پارێزگه‌ها دهوكێ دا، 3 رویدانێن هاتن و چوونێ دروست بونه‌ و د ئه‌نجامێ وان هه‌رسێ رویدانان دا 12 كه‌س بو قوربانى كو كه‌سه‌كێ گیانێ خو ژ ده‌ست دایه‌ و 11 كه‌سێن دیتر بریندار بونه‌.

موقه‌دم ئازاد تاها، به‌رپرسێ پشكا په‌یوه‌ندى و راگه‌هاندنا رێڤه‌به‌ریا گشتى یا هاتن و چوونا پارێزگه‌ها دهوكێ د داخویانیه‌كێ دا نوچێ گیان ژ ده‌ستدانا كه‌سه‌كێ ئه‌ڤرۆ د رویدانه‌كا هاتن و چوونێ دا پشتراستكر و گوت: "پشتى نیڤرۆ یا ئه‌ڤرۆ ئه‌ڤرۆ رێكه‌فتى 13/8/2019 د سێیه‌م رۆژا جه‌ژنا قوربانا پیرۆز، ل سنورێ قه‌زا به‌رده‌ره‌ش یا سه‌ر ب پارێزگه‌ها دهوكێ ڤه‌ 2 رویدانێن هاتن و چوونێ دناڤبه‌را دوو ترۆمبێلێن تایبه‌ت دا دروست بویه‌ و د ئه‌نجامێ رویدانێ دا 1 كه‌سه‌كێ ب ره‌گه‌زێ (نێر) ب ناڤێ (أ.ص) گیانێ خو ژ ده‌ست دایه‌ و 8 كه‌سێن دیتر بریندار بونه‌ و بله‌ز بو نه‌خوشخانێن ته‌نگاڤیان هاتنه‌ ره‌وانه‌كرن".

هه‌مان به‌رپرسى ئه‌و چه‌نده‌ ژى دوپاتكر: "ل ده‌مژمێر 4 و 30 خوله‌كێ ئه‌ڤرۆ، ل سه‌ر رێكا (خراب دێمێ) ل نێزیكى (فێشخابور) رویدانه‌كا دى یا هاتن و چوونێ دناڤبه‌را دوو ترۆمبێلێن تایبه‌ت دا دروست بویه‌ و د ئه‌نجامێ رویدانێ دا 3 زاروك بریندار بونه‌ و ژ سه‌رجه‌مێ هه‌ر سێ رویدانێن ئه‌ڤرۆ 1 كه‌سى گیانێ خو ژ ده‌ست دایه‌ و 11 كه‌سێن دیتر بریندار بونه‌ و بو نه‌خوشخانێ هاتنه‌ ره‌وانه‌كرن، زێده‌بارى دره‌نگه‌ شه‌ڤا بورى د ناڤا تونێلا زاخو دا ، رویدانه‌كا هاتن وچوونێ دناڤبه‌را دوو ترمبێلان دروست ببو و 2 كه‌س بریندار ببون و ئه‌گه‌رێ پتریا رویدانان ئه‌نجامانا له‌زاتیێ یه‌ ژ لایێ شوفێران و ژ وان دخازین له‌زاتیێ كێم بكه‌ن تا كو گیانێ وان یێ پاراستى بیت".









باسنيوز