به‌رپرسێ راگه‌هاندنا بنگه‌هێ به‌ره‌ڤانیا باژێرى ل دهۆكێ د داخویانیه‌كێ دا نوچێ خه‌ندقینا گه‌نجه‌كێ راگه‌هاند و گوت: "دره‌نگه‌ ئێڤاریا ئه‌ڤرۆ رێكه‌فتى 12/8/2019 ل ده‌مژمێر(6:15) خوله‌ك،سنێله‌ك ب ناڤێ (چ.ش) د ژیێ (14) سالیێ دایه‌، ب مه‌ره‌ما خو هاڤێتنا د ناڤ ئاڤا به‌نداڤا دهۆكێ و ئه‌نجامدانا مه‌له‌ڤانیان، خه‌ندقیه‌".

رائیدێ مافپه‌روه‌ر بێوار عه‌بدولعه‌زیز، به‌رپرسێ راگه‌هاندنا بنگه‌هێ به‌ره‌ڤانیا باژێرى ل دهۆكێ گوت: "دره‌نگه‌ ئێڤاریا ئه‌ڤرۆ رێكه‌فتى 12/8/2019 ل ده‌مژمێر 6 و 15 خوله‌ك، سنێله‌ك ب ناڤێ (چ.ش) د ژیێ (14) سالیێ دایه‌ كو دگه‌ل كومه‌كا هه‌ڤالێن خو ، ب مه‌ره‌ما خو هاڤێتنا د ناڤ ئاڤا به‌نداڤا دهوكێ و ئه‌نجامدانا مه‌له‌ڤانیان، خه‌ندقیه‌ و پشتى په‌یوه‌ندى ب تیمێن مه‌ هاتیه‌ كرن تیمێن مه‌ ب هاریكاریا خه‌لكى شیان ته‌رمێ وى گه‌نجى ژ ئاڤا به‌نداڤا دهوكێ ده‌ربێخن".

گوت ژى: ئه‌و گه‌نجه‌ خه‌لكێ باژێرێ دهوكێ بخو بویه‌ و پشتى ته‌رمێ وى ژ ئاڤا به‌نداڤا دهوكێ هاتیه‌ ده‌رئێخستن ، ته‌رمێ وى بو نوژداریا داد ل دهوكێ هاتیه‌ ره‌وانه‌كرن و په‌رێن ڤه‌كولینا رویدانێ ژلایێ پولیسان ڤه‌ ده‌ستپێكریه‌.

bas news -