بە بۆنەی هاتنی جەژنی قوربان، سەرۆک بارزانی لە پەیامێکدا پیرۆزبایی ئەم جەژنەی لە خەڵكی كوردستان و عێراق و هەموو موسڵمانانی جیهان کردووە.

سەرۆک بارزانی لە پەیامەکەیدا دەڵێت: "پیرۆزبایی لە خانەوادەی سەربەرزی شەهیدان دەكەم كە بە خوێنی ئازیزانیان ئازادی و شكۆی وڵاتەكەمان پارێزراوە".

دەقی پەیامەکە:



پەیامی سەرۆك بارزانی بەبۆنەی جەژنی پیرۆزی قوربان



بەناوی خودای بەخشندە و میهرەبان


بە بۆنەی هاتنەوەی جەژنی پیرۆزی قوربانەوە پیرۆزبایی لە خەڵكی كوردستان و عێراق و هەموو موسڵمانانی جیهان دەكەم.

پیرۆزبایی لە خانەوادەی سەربەرزی شەهیدان دەكەم كە بە خوێنی ئازیزانیان ئازادی و شكۆی وڵاتەكەمان پارێزراوە. پیرۆزبایی لە هەموو پێشمەرگە قارەمانەكان دەكەم و دەستخۆشیش لە هێزەكانی ئاساییش و پۆلیس دەكەم كە ماندوونەناسانە ئەركی پاراستنی ئارامی و ئاساییشی هاووڵاتیانیان گرتۆته‌ ئه‌ستۆ.


جەژنتان پیرۆز و هیوای شادی و بەختەوەریتان بۆ دەخوازم.

مسعود بارزانی

١٠ـی٨ـی٢٠١٩











باسنيوز