حاجییەکی کورد لە شاری مەککە لە شانشینی عەرەبستانی سعودیە کۆچی دوایی کرد.

خاتوو مەعبووب مستەفا، هاووڵاتییەکی خەڵکی پارێزگای هەڵەبجەیە و ئەمساڵ بۆ بەجێگەیاندنی فەریزەی حەج، رووی لە مەککە و مەدینە کردبوو.

بەپێی زانیارییەکان، خاتوو مەعبووب مستەفا لەکاتی بەڕێکەوتنی بۆ کێوی عەرەفە کۆچی دوایی کردووە و بەمەش دەبێتە دووەم حاجیی کورد، کە لە رێوڕەسمەکانی ئەمساڵی حەج، کۆچی دوایی بکات.

پێشتر و هەر لە حەجی ئەمساڵ، ژنێکی دیکەی خەڵکی دهۆک، کۆچی دوایی کردبوو.

بەپێی بنەما شەرعییەکانی ئاینی ئیسلام، ھەر حاجێک لە کاتی ئەنجامدانی فەریزەی حەج کۆچی دوای بکات، لە مەککە و لە گۆرستانێکی تایبەت بە خاک دەسپێردرێت.











باسنيوز