تانكەرێكی هەڵگری باری بەنزین بەهۆی دەرنەچوون لە تاقیگەی پشكنینی كۆمەڵگەی دەروازەی نێودەوڵەتیی حاجی ئۆمەران، گەڕێندرایەوە بۆ ئێران.

سیروان حوسێن، بەرپرسی راگەیاندنی كۆمەڵگەی دەروازەی نێودەوڵەتیی حاجی ئۆمەران، رايگەیاند: "ئەمڕ دووشەممە 5/8/2019 بەهۆی دەرنەچوون لە تاقیگەی پشكنینی كۆمەڵگەكەمان تانكەرێكی بەنزین بە بڕی 21 تۆن و 652 كیلۆ گرام، لە كۆمەڵگەی دەروازەی نێودەوڵەتی حاجی ئۆمەران، گەڕێندرایەوە بۆ وڵاتی سەرچاوە".

گوتیشی: "دوای پشكنین دەرکەوت جۆری بەنزینەكە لەگەڵ ستانداردی سووتەمەنیی وەزارەتی سامانە سروشتییەكان گونجاو و شیاو نەبووە بۆ بەكارهێنان، بۆیە گەڕێندرایەوە بۆ ئێران".










باسنيوز