وەزارەتی ڕۆشنبیری و لاوانی حکوومەتی هەرێمی کوردستان، لەڕاستای بەرنامە و هێڵە گشتییەکانی بەرنامە و کارنامەی چوار ساڵی حکوومەتی هەرێم و بۆ پلان و کاری چوار ساڵی وەزارەتەکەیان داوای لە نووسەر و ڕۆشنبیران کردووە تێبینی و سەرنجەکانیان هاوکارییان بکەن.

پێشتر ئەنجومەنی وەزیرانی حکوومەتی هەرێمی کوردستان لە کۆبوونەوەیەکدا بڕیاری دا سەرجەم وەزارەتکانی حکوومەت بەرنامە و پلانی چوار ساڵی داهاتووی کاری خۆیان لە چوارچێوەی هێڵە گشتییەکانی بەرنامە و کارنامەی حکوومەت بۆ چوار ساڵی داهاتوو لە اموەی یەکدا ئامادە بکەن، هەتا ئەنجومەنی وەزیران پەسەندی بکات.

لەمبارەوە لە بانگهێشتنامەیەکدا کە وەزارەتی ڕۆشنبیری و لاوانی حکوومەتی هەرێمی کوردستان بڵاوی کردووەتەوە تێیدا هاتووە: "وەزارەتی ڕۆشنبیری و لاوان بە سوپاسەوە داوا لە (ڕۆشنبیران، نووسەران، ڕۆژنامەنوسان، مامۆستایانی زانکۆ، وەرزشوانان، لاوان و ڕێکخراوەکانی کۆمەڵگای مەدەنی) دەکات سەرنج و تێبینی و پێشنیارەکانیان سەبارەت بە پلان و کاری وەزارەتمان بۆ چوارساڵی داهاتوو لە چوارچێوەی کارنامەی حکوومەتی هەرێم لە ماوەی ۱۰ دە ڕۆژا بنێرن بۆ دیوانی وەزارەت، یان بۆ ئەم ئیمەیلەی خوارەوە".



info@mocy.gov.krd
ناونیشان / هەولێر شەقامی ٦۰مەتری چوارڕیانی عیزەدین فەیزی

ژمارە تەلەفۆن:۰۷۷۰٤۷٥٥٤٥٥ / ۰۷٥۰٤۹۰۷۸۹٦










باسنيوز