بانکی ناوەندیی عێراق وەرگرتنی هەندێک دۆلار و یۆرۆی کاغەز رەت دەکاتەوە و هۆکارەکەی دیاری دەکات.

بانکەکە ئەمڕۆ یەکشەممە 28-7-2019، رایگەیاندووە، بەشێک لە دۆلارە کاغەزەکان وەرناگیرێن و مامەڵەیان پێ ناکرێت.

ئەو دۆلارانەی ئیدی مامەڵەیان پێ ناکرێت:

- ئەگەر پارچەیەکی لێبووبێتەوە.

- ئەگەر دڕابێ و بە تیپی پارە چاکرابێتەو.

- ئەگەر مۆرێکی گەورەی پێوەبێ، بەشێوەیەک وێنە و زانیارییەکانی ناو دۆلارەکەی داپۆشیبێ.

- ئەگەر زۆر دەستاودەستی پێکرابێ و کاغەزەکە تێکچووبێ، بەشێوەیەک وێنە و زانیارییەکانی ناو دۆلارەکەی داپۆشیبێ.

- ئەگەر پارچە لەزگە یان سیکۆتینی پێوەبێ یانیش رۆنی بەسەردا رژابێ.

- ئەگەر لە شوێنێکینەگونجاو هەڵگیرابێ و بۆنی پەیدا کردبێ.

bas news -