ل دهۆكێ هەولێن چاندنا مەژیێ هەستی دهێتە كرن
ئەڤرۆ 29/7/2019 د. نزار عسمەت، رێڤەبەرێ گشتی یێ ساخلەمیا پارێزگەها دهۆكێ دیار كر: "پارچەكا ئەردی هاتیە دەست نیشانكرن و دێزاین ژی هاتینە دانان و ئەندامێن كورد ل پەرلەمانێ عێراقی بتایبەتی ژی لێژنا دارایی كارەكێ مەزن ئەنجام دان وكوژمەكێ پارە هاتە دەست نیشانكرن وهاتە رەوانەكرن بۆ وەزارەتا ئاڤەدانیا عێراقی، وەزیری ئاڤەدانیێ ئەڤە چەندە قەبوول كر وبەردەوام دگەل مەدایە بۆ هندی ئەم بشێن ڤێ پرۆژێ بێخنە وارێ بجه ئینانێ دا ئەم یێ هەولدەن ئەڤ سالە پرۆژە بكەڤتە وارێ بجه ئینانێ دا وهەموو كار ژی ل گۆری پێڤەرێن جیهانی بن وەزارەتا ژینگەهی ل ئیتالیا بۆ ڤی مەرەمی دگەل مەدا حەز كریە ئەڤ ئاڤاهی دهێتە دروستكرن، ئاڤاهیەكێ هەڤال بیت دگەل ژینگەهێ".
خویا ژی كر: "ئەڤ هەولێن حكومەتا هەرێما كوردستانێ بەردەوامن سكتەرێ ساخلەمیێ دا بۆ هندی بشێن كوالیتیا خزمەتێن دهێنە پێشكیشكرن بۆ خەلكی مە بگەهتە وی ئاستی ئەم شانازیێ پی بكەن و خەلك ژی شانازیێ پێ بكەن".
ل پارێزگەها دهۆكێ 1193 نەخۆشێن تالاسیمیا هەنە ژوانا ژی 155 ئاوارانە و 31 ژی پەنابەرن و 73 نەخۆش ژی بۆ چاندنا مەژی هەستی بۆ دەرڤەی وەلاتی هاتینە رەوانەكرن.
باسنيوز
