له‌ شاره‌دیی سیروانی سه‌ر به‌پارێزگای هه‌ڵه‌بجه‌، به‌هۆی ته‌زووی كاره‌باوه‌، منداڵیكی ته‌مه‌ن حه‌وت مانگ گیانی له‌ ده‌ست دا.

ڕائید بارزان عوسمان، گوته‌بێژی به‌ڕیوه‌به‌رایه‌تیی پۆلیسی پارێزگای هه‌ڵه‌بجه‌ ڕايگه‌یاند:"ئیواره‌ی ئه‌مڕۆ شه‌ممه‌ 26/7/2019، له‌ شاره‌دێی سیروانی سه‌ر به‌پارێزگای هه‌ڵه‌بجه‌، منداڵیكی ته‌مه‌ن 7 مانگ، به‌ناوی (د. ب. ح) به‌هۆی به‌ركه‌وتنی ته‌زووی كاره‌با گیانی له‌ ده‌ست دا".

گوتیشی: "ته‌رمی منداڵه‌كه‌ ڕه‌وانه‌ی پزیشكی دادی پارێزگای هه‌ڵه‌بجه‌ كراو په‌ڕاوی لێكۆڵینه‌وه‌ی له‌ بنكه‌ی پۆلیسی سیروان بۆ ڕیكخراوه‌".









باسنيوز