بارزان.. بیرەوەریا 36 ساڵیا جینوسایدكرنا بارزانیان دێ هێتە ساخكرن
رێبوار رەمەزان بارزانی ، رێڤەبەرێ کاروبارێن شەھید و ئەنفالکریان ل بارزان راگەهاند: “بۆ رێزگرتن ل جینوسایدكرنا ھەشت ھزار بارزانیان كو بەریا 36 ساڵان لسەر دەستێ رژێما بەعس ب ساخی ھاتینە بن ئاخکرن، رێڤەبەریا شەهیدو ئەنفالكریێن بارزان ب ھەڤکاری ل گە دام و دەزگەھێن دەڤەرێ دێ رێو رەسمەكێ ژهە ژی بۆ بیرئانینا جینوسایدكرنا بارزانیان هێتە سازكرن لسەر گۆرستانا جینوسایدكریێن بارزانی".
گۆتژی: "رێورسم دێ ئێڤاریا رۆژا 31/7/2019 لسەر گۆرستانا جینوسایدکریان ب چەند چالاکیەکان ب رێڤەچیت و نۆکە بەرهەڤی دهێنە كرن بۆ رێورەسمێ كو ساڵانە ب رێڤە دچیت".
ئاشكرا كر: "مۆنۆمێنتا جینوسایدا بارزانیان ھەر لسەر گۆرستانا وان دھێتەچێکرن و دێ بیتە جھێ ھەلگرتنا وێنە و دیکۆمیێنت و ئەرشیفێ جینوسایدکریان کو ب بزاڤێن مە و خەلکێ و کەسوکارێن وان ھاتینە کۆمکرن داکو نڤشێ نوو بزانن کوردان گەلەک قوربانی داینە ھەتاکو ئەڤ ئازادیە ب دەستڤە ھاتی."
جینوسایدا بارزان بەریا 36 ساڵان ل رێكەفتێ 31/7/1983 ێ بوو كو تێدا ھەشت ھزار بارزانی هاتینە جینوساییدكرن و هەتا نۆكە ب تنێ روفاتێن 596 جینوسایدكریان هاتینە زڤراندن بۆ گۆرستانا تایبەت ب جینوسایدێن بارزانیان ڤە ل بارزان.
باسنيوز
