ئەمڕۆ چوارشەممە جۆن ویڵكس باڵیۆزی بەریتانیا لە بەغدا رایگەیاند كە سەرۆك وەزیرانی نوێی بەریتانیا بە سەرۆكی عێراقی راگەیاندووە كە دۆستی عێراق و كوردە.


ویڵكس لە هەژماری خۆیدا لە تۆڕی كۆمەڵایەتیی (تویتەر) نووسیویەتی "بۆریس جۆنسۆن سەرۆك وەزیرانی بەریتانیا بە سەرۆكی عێراقی گوتووە كە ئەو هاوڕێی عێراقیە، هەروەها هاوڕێی كوردە، پشتیوانی پتەوكردنی پەیوەندییەكانی نێوان بەریتانیا و عێراق دەكات".


جێی باسە بۆریس جۆنسۆن سەرۆك وەزیرانی بەریتانیا ئەمڕۆ وتاری دەستبەكاربوونی خۆی خوێندەوە و دووپاتی لەسەر دووبارە بەهێزكردنەوەی بەریتانیا كردەوە، هەروەك راشیگەیاند سوورە لەسەر چوونە دەرەوەی وڵاتەكەی لە یەكێتیی ئەورووپا.


bas news -