رێڤه‌به‌رێ كۆمپانیا ده‌خلۆدانى ل پارێزگه‌ها دهۆكێ دیاركر:" ژ نۆكه‌ بریار هاته‌ دان گه‌نمێ جۆتیارێن ده‌ڤه‌را ئه‌لقوش دگه‌ل یێن شێخان ل بنگه‌هێ روڤیا یێ وه‌رگرتنا گه‌نمی بهێته‌ وه‌رگرتن".

نازم محه‌مه‌د، رێڤه‌به‌رێ گشتێ یێ بازرگانیا ده‌خل ودانى ل پارێزگه‌ها دهۆكێ دیاركر: "پشتى جۆتیارێن ناحیا ئه‌لقوش و شێخان تووشى ئاریشه‌یان بوون ونه‌شیان گه‌نمێ خوه‌ ببه‌نه‌ سایلویا بازوایا ب هه‌ولێن حكومه‌تا هه‌رێما كوردستانێ ئه‌ڤ ئاریشه‌ بۆ جۆتیارێن ئه‌لقوش و شێخان هاته‌ چاره‌سه‌ركرن. نۆكه‌ بریار هاته‌ دان بنگه‌هى گه‌نمێ ل روڤیا بهێته‌ ڤه‌كرن بۆ جۆتیارێن وان ده‌ڤه‌ران. هه‌ر ئه‌ڤرۆ 24/7/2019ێ جۆتیارێن ده‌ڤه‌رێن كوردستانی یێن ده‌رڤه‌ى ئیدارا هه‌رێما كوردستانێ دشێن گه‌نمێ خوه‌ ره‌وانه‌ى بنگه‌هێ روڤیا بكه‌ن. دێ ده‌ست ب وه‌رگرتنا گه‌نمێ وان هێته‌ كرن".

خویا ژى كر: "بۆ جۆتیارێن وان ده‌ڤه‌ران ئاسته‌نگ دروست بوون نه‌شیان گه‌نمێ خوه‌ بگه‌هینه‌ سایلویا بازوایا ، له‌ورا نۆكه‌ بنگه‌هێ روڤیا هاته‌ ڤه‌كرن دێ خزمه‌تا جۆتیارێن ئه‌لقوش و شێخان هێته‌ كرن".










باسنيوز