وەزارەتی ئاوەدانکردنەوەی حکوومەتی هەرێمی کوردستان 700 یەکەی نیشتەجێبوون لە چوار ناوچەی جیاواز، دابەش دەکات.

ئاگرین عەبدوڵڵا، بریكاری وەزارەتی ئاودانكردنەوە بۆ كاروباری ئاوەدانكردنەوە و نیشتەجێبوون ڕایدەگەیەنێت، پڕۆسەی دروستکردنی 700 یەكەی نیشتەجێوون تەواو بووە و ئێستا لە قۆناغی گەیاندنی پرۆژەکانی ئاو، کارەبا، شەقام و ئاوەڕۆ دان.

ئاگرین عەبدوڵڵا، کە لێدوانی بۆ ماڵپەڕی فەرمیی پارتی دیموكراتی كوردستان داوە، ناوی ناوچەکانی راگەیاندووە، کە بریتین لە؛

- 396 یەكەی نیشتەجێوون لە سنووری بنەسڵاوە.

- 144 یەكەی نیشتەجێبوون لە سۆران.

- 72 یەكەی نیشتەجێبوون لە هەڵەبجە.

- 84 یەكەی نیشتەجێوون لە قەڵادزێ.

هەروەک بریکاری وەزارەتی ئاوەدانکردنەوە بۆ کاروباری ئاوەدانکردنەوە و نیشتەجێکردن رایگەیاندووە، دوای تەواوبوونی پرۆسەی گەیاندنی خزمەتگوزارییەکان، یەکەکان بەسەر هاووڵاتییانی کەمدەرامەت و فەرمانبەران دابەش دەکرێن و ئەوکات ئەنجومەنی وەزیران بڕیار دەدا بەسەر کام توێژ دابەش بکرێن.








باسنیوز