رێڤەبەریا هاتن و چوونا قەزا بەردەرش ل پارێزگەها دهۆكێ‌ ئاگەهداریا شۆفێران دكەت كو رێكا دناڤبەرا چواریانا ئامیان هەتا چواریانا قائیممقامیا بەردەرش بۆ چەند رۆژەكان دهێتە داخستن.

موقەدم ئازاد تاها، پەیڤدارێ‌ رێڤەبەریا هاتن و چوونا پارێزگەها دهۆكێ‌ دیار كر، ئەڤرۆ رۆژا سێشەمبی 16/4/2019 ب فەرمی رێكا دناڤبەرا چواریانا ئامیان هەتا چواریانا قائیممقامیا بەردەرش بۆ چەند رۆژەكان دهێتە داخستن ژ ئەگەرێ‌ نووژەنكرنا وێ‌ رێكێ‌ و هەتا نووژەنكرنا وێ‌ بدووماهی دهێت ژ نوو دێ‌ ب فەرمی هێتە ڤەكرن و هێشتا یا دیار نینە كا چەند رۆژ دێ‌ ب نووژەنكرنێ‌ ڤە چن، هەردەمێ‌ ب دووماهی هات دێ‌ رێك هێتە ڤەكرن.

ئاشكرا ژی كر كو رێورەوێ‌ هاتن و چوونا ترۆمبێلێن بچووك دێ‌ د جادا قائیمقامیا بەردەرش و ترافیك لایت و پەیانگەهێ‌ را بیت و رێورەوێ‌ ترۆمبێلێن مەزن ژی دێ‌ ل چواریانا ئامیان بۆ كەمپا بەردەرەش بیت.











باسنيوز