رێڤەبەرێ‌ گشتیێ‌ باژێرڤانیا ل پارێزگەها دهۆكێ‌ راگەهاند، رێڤەبەریا مە 24 پارچێن ئەرد ل سەر مالباتێن شەهیدێن بەری شەرێ داعش یێن سنوورێ باژێرڤانییا شیخان دابەشكرن.

ئەندازیار دیار بەحری، رێڤەبەرێ‌ گشتیێ‌ باژێرڤانیا ل پارێزگەها دهۆكێ‌، د رێورەسمەكی دا ل هۆلا لالش ل سەنتەرێ‌ قەزا شێخان ب ئامادەبوونا رێڤەبەرا گشتیا رێڤەبەریا شەهید و ئەنفالا ل پارێزگەها دهوكێ و چەندین لایەنێن پەیوەندی دار، ب رێكا تیروپشكێ (24) پارچێن ئەردی هاتنە دان بۆ مالباتین شەهیدێن بەری شەرێ داعش یێن سنوورێ باژێرڤانیا شیخان.

ل گۆرەی بریارا ئەنجوومەنێ‌ وەزیرێن حكومەتا هەرێما كوردسانێ‌، د سالا 2018 دا ل سنوورێ‌ كۆمەلگەها تەناهی یا سەر ب قەزا سێمێلێ‌ ڤە، 238 پارچێن ئەردی ل سەر خێزانێن شەهیدان یێن شەرێ‌ داعش هاتینە بەلاڤكرن و ل گەل هندێ‌ ژی نها ڤەدیتن بۆ جهێ‌ وان پارچە ئەردان هاتیە كرن بۆ هندێ‌ خزمەتگۆزاری بگەهنە وێرێ‌ و پرۆژەیێن خزمەتگۆزاری لێ‌ بهێنە ئەنجامدان.










باسنيوز