رێڤەبەرێ سكرێ دهۆكێ: 25 ملیۆن مەترێن سێجا ژ سكرێ هاتینە بەردان
ئەندازیار فەیسەل نوری، رێڤەبەرێ سكرێ دهۆكێ دیار كر، شیانێن ئومباركرنا ئاڤێ ل سكرێ دهۆكێ 52 ملیۆن مەترێن ئاڤێ یێن سێجانە، بەلێ د وەرزێ زڤستانا ئەڤ سالە دا ژ بەر هاتنا بارانێن زۆر، دەمەكێ درێژە پڕی ئاڤ بووی و ئەم رۆژانە ئاڤا سكری د بەردەین دا كو چو مەترسی پەیدا نەبن و نها رۆژانە نێزیكی ملیۆنەك و 500 مەترێن ئاڤێ یێن سێجا ژ سكرێ دهۆكێ دهێنە بەردان و ب رێیا رووبارێ گەلیێ دهۆكێ دچنە سەر سكرێ مووسل و پاشی بەرەڤ رووبارێ عەرەب ڤە دچیت.
ئاشكرا ژی كر، ئەگەر ئاڤا سكری رۆژانە نەهێتە بەردان و باران بەردەوام بهێن، رەنگە مەترسی ل سەر سكری پەیداببن، لێ مە كۆنترۆل ل سەر كریە و ئەم ناهێلین هیچ مەترسیەك پەیداببیت.
ل گۆرەی زانیاریان، بارانێن ئەڤ سالە گەلەك ژمارێن پیڤای یێن چەند سەدەیەكان شكاندینە و ئەگەر باران ل ڤێ مەها چوار ژی هوسا د بەردەوان بن، رەنگە ژمارا پیڤای یا سەدەیەكێ كو 1700 ملیمێن بارانێ بارینە بشكێنیت.
باسنيوز
