بەهۆی بارانبارینی زۆرەوە جگەلە داڕووخانی بەشێكی شاخی هەیبەت سوڵتان، بەشێک لە دارە سنەوبەرەکانی دارستانی هەیبەت سوڵتانیش بەهۆی رۆچوونی زەوی و داڕمانی شاخەكەوە لە ڕەگەوە هەڵکەندراون.

زاھیر محەمەد بەڕێوەبەری ھاتوچۆی کۆیە ڕايگەیاند: "لە بەرەبەیانی ئەمڕووە ۳ جار تاشە بەرد لە چیای هەیبەت سوڵتانەوە بەر بووەتەوە و ئێمەش لەبەر سەلامەتیی گیانی ھاووڵاتییان بڕیارمان دا بە داخستنی ڕێگای ھەیبەت سوڵتان بە ڕووی شۆفێران".

گوتیشی: خۆشبەختانە تا ئێستا ھیچ زیانێکی نەبووە.

ڕێگای ھەیبەت سوڵتان ڕێگای قەزای کۆیە بە دووکان و بە ئیدارەی ڕاپەرین دەبەستێتەوە و بەداخستی ئەم ڕێگایە نیگەرانییی زۆری دەبێت بۆ هاووڵاتیان و شۆفێران.











باسنيوز