رێڤەبەرێ‌ ناحیا باشیكێ‌ دیار كر پشتی ناحیا باشیك و بەحزانێ ژبن دەستی تیرۆرستێن داعش هاتینە رزگاركرن هەتا نۆكە چوو پارە ژلایێ‌ حكومەتا عێراقی ڤە بۆ ئەنجامدانا پرۆژەیێن خزمەتگوزاری نەهاتیە دابینكرن.


زنون مەحمەد، رێڤەبەرێ‌ ناحیا باشیكێ‌ دیار كر: "ئەو تشتی ل باشیك و بەحزانێ هاتیە ئەنجامدان ژی هەموو هەڤكاری و پشتەڤانیا رێكخراوێن نیڤدەولەتی بوویە. پرۆژێ ئاڤا باشیك یێ‌ كەڤنارە ئاڤ دهێـتە بەرتللە وپاشێ بۆ باشیك دهێت لەورا ئاریشە ئاڤێ هەبوویە وهندەك بیرێن ئاڤێ بۆ كێمكرنا ئاریشە ئاڤێ‌ هاتینە دروستكرن ئەو بیر ژی ژلایێ‌ رێكخراوان ڤە هاتینە دروستكرن هەروەسا ژی پاقژكرنا ناڤ باژێری و ئالیاتێن باژێری ژی هەموو رێكخراو پشتەڤانی دكەن وهێشتا حكومەتا عێراقی چوو پارە بۆ ئاڤەدانی و ئەنجامدانا خزمەتگوزاریان دابین نەكریە. ل باشیك وبەحزانێ‌ بەغدا چوو میزانی نەدانایە بۆ دەڤەرێ. ئەم زۆر پێدڤی ئەنجامدانا پرۆژەیێن خزمەتگوزاری نە".

خویا ژی كر: "هەتا نۆكە 250 خانیێن هاتینە پەقاندن، نەهاتینە ئاڤاكرن وچوو قەرەبوو كرن ژی بۆ خەلكێ‌ نەهاتیە دابینكرن. هژمارەكا خانییان یێن تیرۆرستێن داعش زیان گەهاندی، یێن هاتینە نوژەنكرن. ئەم داخواز دكەین خەلكێ‌ زەرمەند بهێتە قەرەبوو كرن، نۆكە پتریا خەلكێ‌ یێن زڤرینە دەڤەرێ".











باسنیوز