كچە قوتابییەکی پەیمانگەی تەكنیكیی سۆران و خەڵكی شارۆچكەی چۆمان، بەهۆی سووتانەوە گیانی لەدەست داوە.



نەقیب شێروان خالید، گوتەبێژی بەڕێوەبەرایەتیی بەرەنگاربوونەوەی توندوتێژیی دژ بە ئافرەتانی سۆران، رایگەیاند: "لە رۆژانی رابردوودا كچە قوتابیەكی بەشی پەرستاریی پەیمانگەی تەكنیكی سۆران و دانیشتووی شارۆچكەی چۆمان، بەناوی (ر-ف-م) بەهۆی سووتانی جەستەی گەیەندرایە نەخۆشخانەی چۆمان و لەوێشەوە بەهۆی رێژەی 70% سووتانی جەستەی گواسترایەوە بۆ نەخۆشخانەی ئێمر جنسی شاری هەولێر و ئەمڕۆ 2/4/2019 گیانی لەدەست دا".



گوتیشی: "بەپێی گوتەكانی خۆی ئەم كچە سكاڵای لەدژی كەس نەبووە و گوایە باری دەروونیی ناجێگیر بووە و بە هۆیەوە خۆی سوتاندووە، لێكۆڵینەوەكانیش لە ڕووداوەكە بەردەوامە".













باسنیوز