ئەمڕۆ دووشەممە بنەماڵەی سەید كاكە تێكۆشەری دێرینی كورد روونكردنەوەیەكیان لەبارەی سەردانی هەریەك لە كۆسرەت رەسول عەلی جێگری سكرتێری گشتیی یەكێتی و نەوزاد هادی پارێزگاری هەولێر بۆ لای سەید كاكە بڵاو كردەوە، ئەمەش دوای ئەوەی ماڵپەڕێك هەواڵێكی لەبارەی ئەم دوو سەردانەوە هەڵبەستبوو.

بارزان سەید كاكە لە هەژماری خۆیدا لە تۆڕی كۆمەڵایەتیی (فەیسبوك) ڕوونكردنه‌وه‌یەكی بڵاو كردووەتەوە و ئاماژەی بەوە داوە كە "ماڵپه‌ڕێكی نابه‌رپرس، هه‌واڵێكی بێ بنەما و مه‌به‌ستداری بڵاو كردووه‌ته‌وه‌، گوایه‌ دوای سه‌ردانی كاك كۆسره‌ت و شاندی یاوه‌ری بۆ لای سەید كاكە، نه‌وزاد هادییش بۆ هه‌مان مه‌به‌ست سەردانی سەید كاكەی كردووە، به‌ڵام ڕاستییه‌كه‌ی ئه‌وه‌یه‌ كه‌ كاك نه‌وزاد له‌ ماوه‌ی ده‌ستبه‌كاربوونیدا، ده‌یان جار تێكۆشه‌ره‌ دێرینه‌كانی به‌سه‌ر كردووەته‌وه‌ و زۆترین جاریش سه‌ردانی سەید كاكەی كردووه‌".

هەروەها لە ڕوونكردنەوەكەدا هاتووە "باوكم (سەید كاكە) زۆر ڕێز له‌ نه‌وزاد هادی ده‌گرێ و دڵخۆش ده‌بێ به‌ دیداری، بۆیه‌ ئه‌و هه‌واڵه‌ دووره‌ له‌ ڕاستی و پێویسته‌ دۆستایه‌تی و دیداره‌ كۆمه‌ڵایه‌تییه‌كان تێكه‌ڵ به‌ ململانێیه‌ سیاسییه‌كان نه‌كرێن".










باسنيوز