بەھۆی کاریگەریی بارانەوە، بەشێکی شاخی کورتەک داڕماوە و لە ئەنجامدا ھاتوچۆی نێوان پشدەر و چۆمان پەکی کەوتووە.

بەختیار ئەحمەد، بەڕێوەبەری ڕێگاوبانی ڕاپەڕین ڕايگەیاند: "بەشێکی شاخی کورتەک لە ئاستی لۆفەکانی کورتەک داڕماوە و بەھۆیەوە ڕێگەکە گیراوە".

گوتیشی: "بۆ پاککردنەوە و کاری پێویست و بۆ چارەسەرکردنی ئەو کێشەیە، تیمەکانمان دەنێرینە شوێنەکە، بۆیە داواکارین لە شۆفێران تا چارەسەربوونی کێشەکە، ئەو ڕێگەیە بەکار نەھێنن، بۆ ئەو مەبەستەش دەتوانن سوود لە ڕێگەی ڕانیە ـ وەرتێ ببینن".










باسنيوز