شەش تیمێن هاوار هاتنێ ژ دهۆكێ بەرەڤ بەنداڤا مووسل چوون
ئەحمەد مەحمەد، بەرپرسێ تێما 122 یێن هاوار هاتنا بلەز ل ساخلەمیا دهۆكێ دیاركر:" تیمەكا ساخلەمیا دهۆكێ دگەل شەش ترۆمبێلێن هاوار هاتنێ بەرەڤ بەنداڤا مووسل چوون. هەتا رۆژا چوارشەمبیا بهێت دێ ل سەر بەنداڤا مووسل دئامادەباشیێدا بن بۆ بەرهەنگاریا هەر حالەتەكێ نە چاڤەرێكری، چونكو مەترسیی هەیە لافاو ل دەڤەرێ دروست بن و بەنداڤا مووسل ژی یا پر بوویە ژ ئاڤێ. ئەم نۆكە ل بەنداڤا مووسل و مێحوەرێ ناوەران هاتینە جیگركرن".
خویا ژی كر: "ئەڤ تیما ساخلەمیا دهۆكێ دگەل لایەنێن پەیوەندیدار ل مووسل دێ ئامادەباشیێ دابن بۆ هەڤكاریا وەلاتیان دەمێ تووشی هەر حالەتەكێ نە چاڤەرێكری دبن. دشێن پەیوەندی ب تیمێن ساخلەمیێ بكەن داكو زووترین وەخت خزمەتا وان بكەین".
باسنيوز
