قایمقامی قەزای کەلار ڕای دەگەیەنێت، ئامادەکاریمان بۆ ڕووبەڕووبوونەوەی هەر حاڵەتێکی لافاو کردووە.

شەهاب ئەحمەد، قایمقامی قەزای کەلار ڕايگەیاند: ”ئەمڕۆ شەممە 30/3/2019، ژووری عەمەلیاتمان دروست کرد و شارمان بۆ دوو بەش دابەش کرد، بۆ هەریەک لەو بەشانەش تیمێکمان دروست کردووە، کە لە بەرپرسانی حکوومی، پۆلیس، شارەوانی و سیانەی کارەبا لەگەڵ ڕێکخراوێکی خۆبەخش پێکهاتووە“.

گوتیشی: ”15 شۆفەڵ و ئالیەتی دیکە بۆ هەر حاڵەتێکی نەخوازراو و لافاو کە ڕووبدات ئامادەکراون“.

سەبارەت بە دەوامی دامودەزگاکان و پەروەردە لە سنوورەکەدا، شەهاب ئەحمەد گوتی: ”سەیری کەشوهەوا دەکەین و ئەگەر پێویستی کرد دواتر بە هەماهەنگی لەگەڵ پەروەردە و ئەوانی دیکە بۆ سەلامەتی قوتابییەکان ئەو ڕۆژە دەکەینە پشوو“.










باسنيوز