ئەندامێکی مەکتەبی سیاسیی یەکێتیی نیشتمانیی کوردستان ئاشکرای کرد کە کۆبوونەوەکانی نێوان حزبەکەی و پارتی دیموکراتی کوردستان بەردەوام دەبێت و هیوای خواست کە هەردوولا ڕێک بکەون.

ڕزگار عەلی، ئەندامی مەکتەبی سیاسیی یەکێتی ڕايگەیاند، ھیچ وادەکەیەک بۆ کۆبوونەوەی پارتی و یەکێتی دیاری نەکراوە و جارێ دیار نییە کەی کۆدەبینەوە، بەڵام ئێمە پێشنیازێکمان ئاراستەی پارتی کردووە و چاوەڕێی وەڵامی ئەوان دەکەین"

ئاماژەی بەوەش دا، یەکێتی لەگەڵ پارتی لە کۆبوونەوەی بەردەوام دایە و ” ھیوادارم لەگەڵ پارتی ڕێکبکەوین و بتوانین کێشەکان چارەسەربکەین".

لەماوەی چەند مانگی ڕابردوودا چەند کۆبوونەوەیەک لەنێوان شاندی باڵای پارتی و یەکێتی سەبارەت بە پێکھێنانی کابینەی تازەی حکوومەت و پشکەکانی یەکێتی لەو کابینەیە بەڕێوە چووە، بەڵام تاوەکو ئێستا ھیچ ئەنجامێکی نەبووە و دوای سەرجەم کۆبوونەوەکانیش، شەوی ڕابردوو عیماد ئەحمەد، ئەندامی شاندی یەکێتی ئاشکرای کرد کە پڕۆژەیەکی تازەیان ئاراستەی پارتی کردووە.













باسنيوز