زانكۆیا دهۆكێ‌ تۆرا دەرچوویان دامەزراندینە و ب رێكا ڤێ‌ تۆرێ‌، دەرچوویێن زانكۆیا دهۆكێ‌ سیڤی و زانیاریێن خوە دكەتە تێدا بۆ هندێ‌ دەلیڤێن كاری پەیدا ببن و كۆمپانیێن دهۆكێ‌ ژی ئێدی ب رێكا ڤێ‌ تۆرێ‌ دێ‌ بۆ خوە كارمەندان هەلبژێرن.

د. موسلح دهۆكی، سەرۆكێ‌ زانكۆیا دهۆكێ‌ هەر دەرچوویەكێ‌ زانكۆیا دهۆكێ‌ مافێ‌ هەی سیڤیێ‌ خوە بكەتە د تۆرا دەرچوویێن زانكۆیا دهۆكێ‌ و بۆ هەر دەرچوویەكی دێ‌ ئەكاونتەك هێتە دروستكرن و بەشداربووی ب خوە دێ‌ شێت بەردەوام گوهۆرینان د سیڤیێ‌ خوە دا كەت و كۆمپانی ژی دێ‌ ب رێكا ڤێ‌ تۆرێ‌ كارمەند و فەرمانبەرێن چالاك ب دووڤ دلێ‌ خوە بۆ خوە هەلبژێرن.

ئاشكرا ژی كر كو نە ب تنێ‌ كۆمپانی، بەلكو دەرگەهـ بۆ هەموو رێكخراوان ژی یا ڤەكریە كونتاكێ‌ ل گەل ڤێ‌ تۆرا دەرچوویێن زانكۆیا دهۆكێ‌ بكەن و حكومەتا هەرێمێ‌ و وەزارەت ژی دشێن ل دووڤ پێدڤیێن خوە دەرچوویێن دهۆكێ‌ ب دامەزرینن و كونتاكێ‌ ل گەل ڤێ‌ تۆرا دەرچوویێن زانكۆیا دهۆكێ‌ بكەن.

ل زانكۆیا دهۆكێ‌ 23 گەرێن قوتابیان دەرچووینە و تێدا 32 هزار و 762 قوتابی هەتا نها دەرچووینە و د قەیرانا دارایی دا ژ سالا 2014 و هەتا نها نێزیكی 14 هزار قوتابی دەرچووینە و پتریا وان ژی د بێكارن. ل زانكۆیا دهۆك هژمارەكا زۆرا ئاڤاهیان یێن هەین، هەروەسا (1579) مامۆستا هەلگرێن باوەرنامێن ماستەر و دكتۆرایێ‌ و (21265) قوتابی بۆ ئەڤ سالە، هەروەسا (118) پشكێن ناڤخۆیی.











باسنيوز