بەڕێوەبەرایەتی پۆلیسی سلێمانی ڕایدەگەیەنێت، کە ئەمڕۆ پێنجشەممە هێزەكانی بەڕێوەبەرایەتی پۆلیسی سلێمانی، تۆمەتبارێكیان دەستگیركردووە، كە كەوێنەی كچێكی بڵاوکردبووەوە لەتۆڕە كۆمەڵایەتییەكانی ئینتەرنێت .

سەرکەوت ئەحمەد، گوتەبێژی پۆلیسی سلێمانی ڕايگەیاند: " پاش ئەوەی كچێك لە بنكەی پۆلیسی هەواری شار سكاڵای لەدژی تۆمەتبار (ع.ع.م ) تۆماركرد، كە هەڵساوە بە بڵاوكردنەوەی وێنەكانی بەشێوەیەكی ناشرین لە تۆڕە كۆمەڵایەتییەكاندا، ئەمڕۆ لەلایەن هێزەکانمانەوە بە فەرمانی دادوەر دەستگیر کرا و لێکۆڵینەوە لەگەڵیدا دەستیپێکردووە".

گوتیشی: "دوای لێکۆڵینەوە لەگەڵ تۆمەتباردا دەركەوت كە پێنج فەیسبووك و ئینستاگرامێك و چوار ژمارە مۆبایل و سێ‌ نازناوی جیاوازی هەیە، كە بەكاری هێناون بۆ چەواشەكردنی هاووڵاتیان".

ڕاشیگەیاند، کە ئێستا تۆمەتباری ناوبراو بەبڕیاری دادوەر و بەپێی ماددەی 2ی خراپ بەكارهێنانی مۆبایل ڕاگیراوە.











باسنيوز