بەرپرسێ‌ بنگەهێ‌ لالش یێ‌ رەوشەنبیری و كۆمەلایەتی تایێ‌ شنگال دیار كر ئەو گرۆپ ولایەنێن نۆكە ل شنگال هەر ئێك بێژت ئەز سەروەرێ شنگال مە، لەورا ژی شەر دروست دبیت وئالۆزی چێدبن. هەموو ژبەر بەرژوەندیێن وان یێن كەسایەتی نە ونە ژبەر بەرژوەندیا خەلكێ‌ شنگالێ‌ یە.


خشۆ میرزا، بەرپرسێ‌ بنگەهێ‌ لالش یێ‌ رەوشەنبیری و كۆمەلایەتی تایێ‌ شنگال دیار كر: "خەلكێ‌ پێنچ دەڤەرێن قوبیلەتی شنگال ل چیایێ شنگال ئاكنجی، هەتا نۆكە نەشیاینە ژ چیایی بچنە خوار و دناڤ مالێن خوە دا ئاكنجی بن. بتایبەتی ژی خەلكێ‌ سیبا شێخدر و گرزەرك و تل بنات و تل قەسەب و گرعزێر راستی ژی هیچ ئەمانەك و خزمەتگوزاریەك ل دەڤەرێن وان نینە. ترس ل شنگال هەیە ژبەر نەبوونا ئێمناهیێ. ئەو ترس زێدەبوویە ل نك خەلكێ‌ شنگال بتایبەتی ژی دەمێ‌ شەر چێبووی ژبەر وێ‌ ژی پتر خەلك تووشی ترسی بوویە".


خویا ژی كر: "بەغدا وپەكەكە بۆ بەرژوەندیێن خوە ل شنگال كاردكەن ژبەر بەرژەوەندیێن خوە ئالۆزیان ل دەڤەرێ دروست دكەن بۆ وان خەم نینە چ بسەرێ خەلكێ‌ لێقەومایێ‌ شنگال بهێت."









باسنیوز