فەرماندەی یەکەی حەفتای ھێزی پێشمەرگەی کوردستان ڕای گەیاند، ڕێکخراوی تیرۆریستیی داعش کۆتایی نەھاتووە و بەردەوام چالاکیی سەربازی ئەنجام دەدات و ”ئێمەش پێشمەرگەمان خستووەتە حاڵەتی ئامادەباشییەوە“.



جەعفەر شێخ مستەفا، فەرماندەی یەکەی حەفتای ھێزی پێشمەرگەی کوردستان ڕاگەیاند، ڕێکخراوی داعش کۆتایی پێنەھاتووە و بەردەوام چالاکیی سەربازی لە دژی سوپای عێراق ئەنجام دەدات و زۆرجار ھێرش دەکەنە سەر ھێزی پێشمەرگە، بەڵام ”ھێزی پێشمەرگە چالاکییەکانی داعش تێکدەشکێنێت".



ڕوونیشی کردەوە کە ڕێکخراوی تیرۆریستیی داعش تەنھا لەناو شارەکاندا دەسەڵاتیان نەماوە، بەڵام لە شوێنە چۆڵەکاندا ھەن و چالاکیی سەربازیی خۆیان نەوەستاندووە، لەگەڵ ئەوەشدا ھێزی پێشمەرگە ”لە حاڵەتی ئاماداباشیدایە و بەرپەرچی داعش دەداتەوە و ڕێگە نادات چەکدارانی داعش چالاکیی سەربازی ئەنجام بدەن".



باسنیوز