بەگوێرەی نووسراوێكی بەڕێوەبەرایەتی گشتی نەھێشتنی ماددە ھۆشبەرەكان، دوو كەس لە دەروازەی "حاجی ئۆمەران" دەستگیر كراون، كە ویستویانە بڕی 10 ھەزار دۆلاری ساختە بهێننە بازاره‌كانی ھەرێمی كوردستان.

لەو راگەیەندراوەدا ھاتووە: "رۆژی 24/3/2019 لەلایەن كارمەندانی بنكەی نەھێشتنی ماددە ھۆشبەرەكانی حاجی ئۆمەران توانرا دەستبگیرێت بەسەر بڕی 10 ھەزار دۆلاری ساختەدا، ھەروەھا دوو تۆمەتبار بەناوەكانی (ھ.ع.ك) و (ر.س.ا) كە یەكێك لە تۆمەتبارەكان ھەڵگری رەگەزنامەی ئێرانییە ده‌ستگیركران".

هه‌روه‌ها هاتووه‌: ئه‌و كه‌سانه‌ "بەنیازبوون پارەكە دەربازی خاكی ھەرێمی كوردستان بكەن و لە بازارەكانی شاری ھەولێر ساغیبكەنەوە".

ئاماژە بەوەشكراوە: "پەڕاوی لێكۆڵینەوە بۆ تۆمەتبارەكان كراوەته‌وه‌. هه‌ردووكیان رەوانەی بەردەم دادوەری لێكۆڵینەوە كراون".
K24-